Pan D Capsule 15

பான் டி கேப்ஸ்யூல் 15 காஸ்ட்ரோஈசோபாகல் ரீஃப்ளக்ஸ் நோய் (GERD), அமில எதுக்களிப்பு மற்றும் அமிலம் தொடர்பான பிற செரிமானக் கோளாறுகளை சரிசெய்ய பயன்படுகிறது. டாக்டர் ஆலோசனையின்படி, இந்த மருந்தானது தாமதமான இரைப்பை காலியாதல் அல்லது அதனுடன் தொடர்புடைய மேல் இரைப்பை குடல் இயக்கக் கோளாறுகள் உள்ள நோயாளிகளுக்குப் பரிந்துரைக்கப்படுகிறது.

பான் டி கேப்ஸ்யூல் 15-இன் பயன்கள்:

• உணவுக்குழாய் ஆரோக்கியத்தைப் பேணுகிறது: வயிற்றில் அமில உற்பத்தியைக் குறைத்து, அமில எதுக்களிப்பால் ஏற்படும் எரிச்சலைத் தணித்து, உணவுக்குழாய் குணமடைவதற்கு உதவுகிறது.

• இரைப்பை இயக்கத்தை மேம்படுத்துகிறது: இரைப்பை காலியாதல் நோயைக் குணப்படுத்த உதவுகிறது, இதனால் குமட்டல், வயிற்று உப்புசம் மற்றும் வயிறு நிறைந்த உணர்வு போன்ற அறிகுறிகளில் இருந்து இம்மருந்து நிவாரணம் அளிக்கிறது.

• வயிற்றின் அமிலத்தைக் கட்டுப்படுத்துகிறது: டாக்டர் பரிந்துரையின்பேரில் பயன்படுத்தப்படும்போது, இது வயிற்றில் ஏற்படும் அதிகப்படியான அமில உற்பத்தியைக் குறைத்து, அமிலம் தொடர்பான பாதிப்புகளின் அறிகுறிகளுக்கு நிவாரணம் அளித்து, பெப்டிக் அல்சர்களை குணமாக்கவும் உதவுகிறது.

• பான்-டி கேப்ஸ்யூலை உணவு உண்பதற்கு முன் குறைந்தது 15-30 நிமிடங்களுக்கு முன்பு எடுத்துக்கொள்ளுங்கள்.

• டேப்லெட்டை ஒரு கிளாஸ் தண்ணீருடன் எடுத்துக்கொள்ளுங்கள்.

• டேப்லெட்டை நசுக்கவோ மெல்லவோ கூடாது.

• டேப்லெட்டை முழுதாக விழுங்குங்கள்.

• உங்களுக்கு இம்மருந்தை எடுத்துக்கொள்ளத் தொடங்கிய பின் உடல்நிலை தேறத் தொடங்கினாலும், டாக்டர் பரிந்துரைத்த முழு காலளவிற்குமான மருந்துகளை தவறாது எடுத்துக்கொண்டு சிகிச்சையை நிறைவு செய்யுங்கள்.

பான்-டி கேப்ஸ்யூல் வாய்வழியாக எடுத்துக்கொள்ளப்படுகிறது.

பான் டி கேப்ஸ்யூல் 15-ன் காம்போசிஷனில், டோம்பெரிடோன் (30 மி.கி) மற்றும் பாண்டோபிரசோல் (40 மி.கி) ஆகியவை அதன் ஆக்டிவ் பொருட்களாக உள்ளன.

• டோம்பெரிடோன் என்பது வயிறு மற்றும் குடல்களின் இயக்கத்தை அதிகரித்து, செரிமானத்திற்கு உதவும் ஒரு புரோகைனெடிக் ஆகும்.

• பாண்டோபிரசோல் என்பது வயிற்றில் அமில உற்பத்தியைக் குறைத்து, அமிலம் தொடர்பான அறிகுறிகளுக்கு நிவாரணம் அளிக்கும் ஒரு புரோட்டான் பம்ப் தடுப்பான் ஆகும்.

• பான்-டி கேப்ஸ்யூலை அறை வெப்பநிலையில் (15-25ºC) குளிர்ந்த மற்றும் உலர்ந்த இடத்தில் சேமித்து வையுங்கள்.

• இதை ஒளி மற்றும் ஈரப்பதத்திலிருந்து விலக்கி வையுங்கள்.

• பான்-டி கேப்ஸ்யூலை குழந்தைகளுக்கு எட்டாத இடத்தில் வையுங்கள்.

• பேக்கேஜில் குறிப்பிடப்பட்டுள்ள காலாவதி தேதிக்குப் பிறகு மருந்தைப் பயன்படுத்த வேண்டாம்.

பான்-டி கேப்சூல்களை எடுத்துக்கொள்வதுடன், ஒரு சில உணவுமுறை மற்றும் வாழ்க்கைமுறை மாற்றங்களைப் பின்பற்றுவது வயிற்றில் உள்ள அமிலத்தன்மையை சீர்செய்யவும், செரிமான ஆரோக்கியத்தை மேம்படுத்தவும் உதவும்:

• சிறிய அளவுகளில் உணவை உண்ணுங்கள், மெதுவாகச் உண்ணுங்கள், அளவுக்கு அதிகமாகச் சாப்பிடுவதைத் தவிர்த்திடுங்கள். சாப்பிட்ட உடனேயே படுத்துக்கொள்வதையும் தவிர்க்க வேண்டும்.

• காரமான மற்றும் கொழுப்பு நிறைந்த பொரித்த உணவுகளைத் தவிர்த்திடுங்கள்.

• ஆரோக்கியமான உடல் எடையைப் பராமரித்திடுங்கள்.

• புகைப்பிடிப்பதை நிறுத்துங்கள் மற்றும் மது அருந்துவதைக் கட்டுப்படுத்துங்கள்.

• சாப்பிட்ட உடனேயே படுப்பதைத் தவிர்த்திடுங்கள். செரிமானம் சிறப்பாக நடைபெற, ரிலாக்ஸ் ஆன நிலையில் உட்காருங்கள்.

• உங்கள் டாக்டர் அறிவுறுத்தியபடி, பான்-டி கேப்ஸ்யூலை உணவுக்கு முன் எடுத்துக்கொள்வது சிறந்தது, சிறந்த செயல்திறன் பெற காலையில் எடுத்துக்கொள்ளுங்கள்.

• சிலருக்கு இந்த மருந்து தலைவலி, தலைச்சுற்றல், வயிற்றுப்போக்கு, குமட்டல் மற்றும் வாந்தி ஏற்படுத்தலாம். இந்தப் பக்கவிளைவுகள் உங்களுக்குத் தொந்தரவாக அமைந்தாலோ அல்லது தொடர்ந்து நீடித்தாலோ உங்கள் டாக்டரிடம் உடனே தெரிவியுங்கள்.

• பான்-டி கேப்ஸ்யூலை 14 நாட்கள் உட்கொண்ட பிறகும் உங்களுக்கு உடல்நிலை சரியாகவில்லை என்றால், மேற்படி பரிசோதனைக்காக உங்கள் டாக்டரின் ஆலோசனையைப் பெறுங்கள்.

• பான்-டி கேப்சூல்களை நீண்டகாலம் பயன்படுத்துவது எலும்பு பலவீனம் மற்றும் தாதுச்சத்து குறைபாடுகளுக்கு வழிவகுக்கும். உங்கள் டாக்டர் பரிந்துரைத்தவாறு, உணவு அல்லது சத்து மருந்துகள் மூலம் போதுமான அளவு கால்சியம் மற்றும் மெக்னீசியத்தை உட்கொள்வதை உறுதிப்படுத்திக் கொள்ளுங்கள்.

• நீங்கள் கர்ப்பமாக இருந்தாலோ, கர்ப்பம் தரிக்கத் திட்டமிட்டிருந்தாலோ, அல்லது தாய்ப்பால் கொடுப்பவராக இருந்தாலோ, பான் டி மருந்தை எடுத்துக்கொள்ளத் தொடங்குவதற்கு முன் உங்கள் டாக்டரின் ஆலோசனை பெறுவது அவசியம். அத்துடன், நீங்கள் எடுத்துக்கொள்ளும் மற்ற அனைத்து மருந்துகள் மற்றும் உங்கள் முழுமையான மருத்துவ வரலாறு குறித்தும் உங்கள் டாக்டரிடம் தெரிவியுங்கள்.