உள்ளடக்கக் கலவைஸ்பாஸ்மோனில் டேப்லெட் என்பது தசைப்பிடிப்பினால் ஏற்படும் வயிற்று வலி மற்றும் தசைப்பிடிப்பைப் போக்கப் பயன்படும் ஒரு மருந்தாகும். தசைப்பிடிப்பு மற்றும் தசைச் சுருக்கங்களின்போது வலியைத் திறம்படக் குறைக்க, இது தசைப்பிடிப்பைத் தணிக்கும் மருந்தையும் வலி நிவாரணியையும் ஒருங்கிணைக்கிறது.
இதை டாக்டர் பரிந்துரைத்தபடி, உணவுடனோ அல்லது உணவு இல்லாமலோ எடுத்துக் கொள்ளுங்கள். இது உங்கள் வயிற்றைக் கலக்கினால், இதை பால் அல்லது ஒரு லேசான உணவுடன் எடுத்துக் கொள்ளுங்கள். இதை முழுதாக விழுங்குங்கள், நசுக்கவோ அல்லது மெல்லவோ கூடாது. டாக்டர் பரிந்துரைத்தபடி தொடர்ந்து எடுத்துக் கொள்ளுங்கள். உங்கள் டாக்டரைக் கலந்தாலோசிக்காமல் இந்த மருந்தை திடீரென நிறுத்திவிடாதீர்கள்.
உணவுமுறை மற்றும் மன அழுத்தத்தைக் கையாள்வது தசைப்பிடிப்பு தொடர்பான வலியைத் தடுக்க உதவும். சிறிய அளவிலான உணவை அடிக்கடி உண்ணுங்கள். கனமான, கொழுப்பு நிறைந்த மற்றும் காரமான உணவுகளைத் தவிர்க்கவும். மெதுவாக உண்ணுங்கள் மற்றும் உணவை நன்றாக மெல்லுங்கள். போதுமான அளவு தண்ணீர் குடியுங்கள். ஆழ்ந்த சுவாசம் போன்ற தளர்வு நுட்பங்கள் மூலம் மன அழுத்தத்தைக் கையாளுங்கள், மேலும் தசைப்பிடிப்பு ஏற்பட்டால் வயிற்றுப் பகுதியில் மிதமான வெப்ப ஒத்தடத்தை கொடுங்கள்.
இந்த மருந்தை எடுத்துக்கொள்வதற்கு முன், உங்களுக்குக் கண் அழுத்த நோய் (கிளாக்கோமா), இதய நோய், லிவர் அல்லது கிட்னி பிரச்சனைகள் இருந்தாலோ அல்லது வேறு மருந்துகளை எடுத்துக் கொண்டிருந்தாலோ உங்கள் டாக்டரிடம் ஆலோசிக்கவும். உங்களுக்கு வாய் வறட்சி, மலச்சிக்கல், வேகமான இதயத் துடிப்பு அல்லது சிறுநீர் தேக்கம் ஏற்பட்டால் உங்கள் டாக்டரிடம் ஆலோசிக்கவும். இந்த மருந்து தூக்கக் கலக்கத்தை ஏற்படுத்தக்கூடும், அவ்வாறு பாதிக்கப்பட்டால், வாகனம் ஓட்டுவதையோ அல்லது இயந்திரங்களை இயக்குவதையோ தவிர்க்கவும்.
